بيان لتنوع البيوتقافي

على حساب أرپور التالي تاع الأمم الممتحده فيما يخص التنوع البيولوجي (يعني يكونو بزاف أنواع الكائنات الحيه فلعالم)، العالم غادي يخسر مليون نوع مل الكائنات الحيه فلعوام ألي راهم جيين. و تاني بلي الخساره فالتنوع البيولوجي عندها أتر سلبي على التنوع التقافي و اللغوي ( التنوع التقافي و اللغوي معنتها يكونو بزاف التقفات و اللغات)، كماڨالت الإناسكو (UNESCO)) اليوم، تلت ماللغات تاع لعالم يهدرها قل من ألف شخص ، و الأغلبيه تاع هاد اللغات غاديه تموت  منا للقرن الجاي. بصح أتقافه راهي مرتبطه و متئتره بالعلاقات بين الناس والمحيط ، و هاد يساهم في زيادة قيم و معرفه و ممارسات ڨاع مربوطه بالتنوع البيولوجي فكل أنواع الحياة كم الجنات (الجنات يعني الصفات الي يورتهاالمزيود من والديه)، الكائنات و الأنظمه البيئيه( يعني السستام تاع لبيئه  – زعما الطبيعه اللي دايره بينا)، و فنفس الوقت،باش يورو الناس بلي هوما يحافضو على التنوع البيولوجي، يستعملو كلمات و مفردات الي هي كاينه فلجنات التقافية.

 في هاد البيان نڨولو بلي التنوع البيولوجي و التنوع التقافي مرتبطين بزاف كما ضهر في دراسات ألاهنا هنا ، التنوع البيوتقافي على مستوى لعالم راه ينقص حتى و لو شحال من أمة دارت قوانين و سترتجيات باش تحمي و تحافض على التنوع البيولوجي ألي راه كاين ديجا،حنا، ألي رانا مسنيين التحت،ما نضنوش بلي هاد الشي يكفي.

و نزيدونأكدو بلي لازم نديرو المجهود باش مايزيدوش يضيعونا لغات و تقافات فلعالم.

بها البيان نسيو نورو كفاش نردوالعلاقات بناتنا ملموسه ونلڨو حلول باش نستحفضو على كل ما داير بينا من محيط ومجتمعات باش نبنو مستقبل زاهر وين ڨاع لجناس تتعايش بناتها . و باش نحققو هاد الشي،لازم علينا نعرفو بلي اللي يصرى في بلدان اخرى راه يمسنا تاني حنا، مين يضيع التنوع البيوتقافي في بلدان اخرى راه يضيع في بلادنا تاني.

 مين نمارسو التقافه و العلم و نستعملو لغتنا و تقفاتنا ،رانا نأترو إجابيا ولا سلبيا باش نحافضو على ثروات  أرضنا  والتنوع البيولوجي.  و على هاد واجب علينا نحولو الممارسات التقافيه ونطورو لغة الإستدامه(يعني نخموبعيد) والمعيشه مع بعضنا بعض.

لقتصاد و لبيئه

بنادم و لبيئه مربطين مع بعضهم بعض، و تاني كفاش لبنيادم مپلصيين رواحهم فلعالم. وصعيب باش لواحد يفهم هاد لعلاقه بين الطبيعه و المجتمع مين نهدرو على الدنيا كفاش راها تتبدل و باش نوالفو و تكون عندنا قدره باش نحملو. بصح السستام لقتصادي تاع دروك  مدبيه يخرج ڨاع الخيرات الطبيعية و معلبلهش بلي الخيرات الطبيعيه تفنى. وبزياده على هاد الشي، السستام لقتصادي لحالي مايشوفناش بلي حنا جنس عايش في إيكو سستام (معنتها  الإنسان ولهوايش و المناطق ولبلايص الطبيعيه عايشين مع بعض في توازن).

حكومات،هيئات عموميه ولا خاصه و ڤاع المجتمع لازم يتحاسبو على إجرئاتهم و عمالهم و لازم يكونو وضحين على تصرفاتهم ويحوسوعلى طرق جديده و سترتجيات. لازم يستحفضو على قوة الخيرات الطبيعيه و ڨاع شا راه ينڨال و معنة هاد المواد فى ڨاع  التقفات وعلى هاد حنا نقتارحو هاد النقط :

. نخلقو علامه (مركه/لبال) لإنتاج  التنوع التقافي و البيولوجي (نقارن بين لرظ ألي مزروعه و لرظ ألي مشي مزروعه وتاني ألي هي فيها زرعه وحده. وتاني التنوع فالتقفات بين الناس وخلفياتهم (معنتها أصلهم) فلمنظمات.

.وباش المنضمات تكون عندها علامه (مركه/لبال)،لازم يبرهنو بلي قامو بأعمال ملموسه  بعد ما خلقولهم برنامج مخصص الي  يخليهم يستحفضو على التنوع البيولوجي و التقافي.

. لازم نفهمو معنى آلتنوع البيوتقافي بصفه عامه  ونعطوه مؤشر كميي ( يعني نقيموه من ناحية الكميه(شحآل) و نبنو على حساب مؤشرات كما الي كينين فلعالم   متلا مؤشر انتروپي،مؤش شنون،مؤشرسيمپسون ولا مؤشربارڨر پاركر (the Entropy index, the Shannon index, the Simpson indexولا theBerger-Parkerindex).                                                                                   

. لازم نسجعولبحت في كل مايخص التوزيع ،وشحال يستقامنا وكفاش يأترالحفاظ على التنوع البيوتقافي على السومه تاع المنتجات (رايحه من المنتجات التقافيه للسلعه) و الخدمات نتاحا.

. لازم نسجعوسيسات الي تاخذبعين لعتبار الأراء التقافيه للجهات المعنيه فيما يخص المفاوضات لقتصاديه المستدامه (يعني يتناقشوعلى لقتصاد ألي يدوم)،وهاد باش كل جنس ينجم يمتل تقافته.    

. تسجيع المنضمات الخاصه و العموميه باش يتبعو متال الأمم المتحده  في ميدان التنوع   البيوتقافي الي يسموه” أهداف التنميه المستدامه”(يعني التنميه الي تدوم).

. يبحتو و يحوسو كفاش التأتير البيوتقافي و إعادة التوزيع، والحكم الصالح (يعني كفاش ينضمو الناس رواحم ويقررو صوالح في مجال متفهمين عليه ) والضرائب( لي طاكس) تدخل في سيسات ماليه جديده.

. إجرئات باش يسجعو،يستثمرو ويشاركو في بحت واسع و توثيق المبادرات (يعني يكتبو على الصوالح الي قترحوهم) في مجال التنوع البيوتقافي باش الناس الي عايشين في بلايص خرا ينجمو يديرو كماهما.

. يسجعو الناس باش يتلاقو ويتحاورو محليا على التوعيه على التنوع البيوتقافي و باش يكونو سيسات مخصصه لهاد الغرض.

 التعليم و التوعيه

فلوقت هاد،واجب علينا نفهموونكونو واعيين بلعلاقه الي كاينه بين التقافه و اللغه منين نهدرو على التنوع البيلوجي ، و هاد علاش التعليم يفوت من جيل لجيل . و على هاد لازم نفهمو بلي التعليم للجميع ومالزمش نخمو بلي كاين من جيهه الي شادين لعلم و من جيهه خرا الي يطلبو لعلم.  التعليم لازم نشفوه بلي  هو حاجه يشاركو فيها ڨاع الناس بفعالهم  و فهامتهم، و كل واحد مهما كانت المرتبه نتاعه فلمجتمع. و حنا نفهمو بلي التعليم حاجه نتعاونو عليها و نشاركو ڨاع فيها.

 التعلم تاني نقله من جيل لجيل،وبالأخص نقله تاع الصوالح  الي يعرفوهم و يديروهم الناس لمحليين ـ وهاد الشي مشي مخصص الي قريين ،ولامعلمين ولا ناس معترفين بيهم في نظام. و على هاد،  باش نكونو ڨاع واعيين و ندافعو على التنوع البيلوجي و التقافي واللغوي، واجب علينا نديرو في راسنا هاد النقط:

. التنوع البيلوجي و التقافي و اللغوي لازم يقروه و يدخلوه في ڨاع البرامج تاع القرايه باش يسجعو التنوع الي راه كاين فلواقع،و نفهمو بلي الأنطرپلوجيه (يعني علم الإنسان ـ  متلا الأصل نتاعه، اللغه نتاعه، التقافه نتاعه…) و الزراعه و الإكلوجيه (يعني علم البيئه ـ ولا علم تاع العلاقه بين الكائنات الحيه والمحيط ( ڨاع الي ضاير بيها))، وتاني درسات إجتماعيه و درسات على المحيط.

. وباش نسجعو التنوع البيوتقافي،لازم نقرو لكبار و الصغار و كل فئات المجتمع و نستعملو وسائل التربيه الي هيه تتماشى مع لواقع و حتيجيات ڨاع الشعب .

.لازم نطورو برامج جديده الي تفهم التنوع البيوتقافي، برامج  نتناقشو عليها و نتعاونو عليها بمختلف لمناهج و الطرق.

.لازم نتبادلو معلمات و نظمو ورشات عمل و ألعاب و زيرات و نستعملو التكنلوجيه (لنفرمتيك) و كل هاد نديروه و حنا محترمين السلوكات الأخلاقيه من جيهة لبيئه.

. وفيما يخص أماكن التعليم (لبلايص الي يتعلمو فيها) ، مدارس( لكنات) وأماكن التعليم لازم تكون تحترم المستدامه (يعني نديرو صوالح يدومو) و يورو التنوع البيوتقافي المحلي. وتاني التعليم مشي شرط غي فلمدرسه، كاين أماكن ( بلايص) وحد خرا ينجمو يتعلمو فيها باش الي جربو التنوع البيلوجي والتقافي ينجمو يتعلموه و يحافضو عليه و يساندوه و يطروه. 

. لازم  كل الجهات المعنيه تساهم في هادلبرامج نتاع التعليم و التوعيه و الفلسفات ولواقع لمحلي.

. و نعرفو بلي التفاعليه التكنلوجيه  (يعني لنفرمتيك) تسهل التعليم عن طريق التفاعل البصري (يعني الي يتعلم ينجم يتفاعل معى لكمپيوتر (لغدنتور)و يشوف و يسمع كفاش راه يتقدم فالتعلم)، و هاد يساهم في تطوير لعمال الفنيه و البحت.

. التعليم و التربيه راهم وسيله بآش المفهوم تاع التنوع البيوتقافي يسجعوه و يحافضو عليه و ينشروه كي حاجه إجابيه  لازم يحافضو عليها و يشاركوفيها و يئيدوها.

. التعليم  في مجال التنوع البيوتقافي واجب علينا باش نشاركو فيهم كمواطنين و نستحفضو عليهم، باش نكونو واعيين بلي التننوع شي معقد و مربوط بعوامل وحد أخر كما شفنا، و لازم ناخظو بعين لعتبار راي كل واحد فلعالم و في وسط كل المجتمعات و التقفات.

. وباش يكون مزان صحيح بين شكون حنا و شا نتعلمو و شا نديرو،لازم نسقسو رواحنا على مفهوم و مقصود  “المعنى” في مفهومه لعام : من الشي الي نميلو ليه (التحيز)، وشتا نخمو على الناس و لفكار نتاعها و رموز و تمثيلات (يعني كفاش نتصورو الناس لخرين).

. و نقطه وحد أخرا تاني ندرسو و ننشرو أفكار التوازن و لمزان باش نفهمو و نخمو على العلاقه بين المحيط و  المجتمعات البشريه الي عايشه فيه.